నాసదీనాసదీయ సూక్తము - Big Bang Theory

 

నాసదీనాసదీయ సూక్తము - Big Bang Theory –

పూర్తి పాఠము

 https://ajaraamarasukthi.blogspot.com/2025/01/big-bang-theory.html

 వేదాలు అపౌరుషేయాలు. అంటే , కావ్యపురాణేతిహాసముల మాదిరి వేదాలు మానవులు రాసినవి కావు. వేద వాఙ్మయములోని సంస్కృత భాషకు కావ్యపురాణేతిహాసముల సంస్కృతమునకు ఆంతర్యము ఉంటుంది. వేద భాషలో అనేకానేక నిగూఢా ర్థాలు  ఉంటాయి. అల్పజ్ఞుడనయిన  నాకు అవి అన్నీ అంతుపట్టే విషయాలు కావు. అందుచేత నా మేధోపరిధి లోపల, నేను తెలుసుకొన్న మేరకు ఈ నాసదీయ సూక్తమును సాధారణ తెలుగుభాషలో మీ ముందు ఉంచుచున్నాను. ఈ సూక్తమును ఎంచుకొనుటకు ముఖ్య కారణము ఇది విశ్వ ఆవిర్భావమును గూర్చి తెలుపుతుంది.

ఒక పని చేయుటకు మొదట ఏదో ఒక శక్తి ఉండవలె,ఆ పని చేయుటకు ఆ శక్తికి సంకల్పము కలుగవలె. అట్టి శక్తినే మనము దైవము అంటూవున్నాము . నన్ను ఈపనికి

పురిగొల్పుట ఆయన సంకల్పము. ఈ విస్పోటమును కలిగించుటకు ఆ పరమాత్మకే సాధ్యము. ఇందు నేను సందేహించవలసినది ఏమాత్రమూ లేదు.

 అంచనాలకు అందని కాలములో విస్ఫోటము జరిగితే నేటి శాస్త్రజ్ఞులు ఈ విషయమును గూర్చి 1929లో ఆలోచింప మొదలిడినారు.

విశ్వము  ఉద్భవించడాన్ని, ఆనాటి నుండి తరువాత జరిగిన విశ్వ పరిణామాన్నీ వివరించే సిద్ధాంతాలలో ఒకటి Big Bang. దీన్ని మహా వ్యాకోచం అనవచ్చు. అనేక స్వతంత్ర పరిశీలనల ఫలితంగా ఏర్పడిన వాదము ఇది. ఇది విశ్వం యొక్క ఖగోళ భౌతిక నమూనా. 1929 లో ఎడ్విన్ హబుల్ పరిశీలనలలో 'నక్షత్ర మండలాల శక్తి ఆ పరతత్వమునకు  మధ్య దూరాలు వాటి Red Shift కు అనులోమానుపాతంగా వున్నాయని గుర్తించినాడు.

ఇప్పుడు అతి క్లుప్తముగా  Red Shift ను గూర్చి తెలియజేస్తాను.

రెడ్ షిఫ్ట్' అనేది ఖగోళ శాస్త్రవేత్తలకు కీలకమైన విషయము. కాంతి యొక్క తరంగమును దూరముగా విస్తరింప జేయవచ్చు. కాబట్టి కాంతి లోని వర్ణ వికిరణములో (7 వర్ణములలో) ఈ తరంగము ఎరుపు భాగం వైపు  'మార్చబడినట్లు' కనిపిస్తుంది. పరిశీలకుడికి సంబంధించి ధ్వని మూలం కదిలినప్పుడు ధ్వని తరంగాలకు ఇలాంటిదే జరుగుతుంది.

ఈ పరిశీలనన ఫలితంగా 'విశ్వం విస్తరిస్తూ  ఉంది' అనే నిర్ధారణకు రావడం జరిగింది. నేటికినీ విశ్వం విస్తరిస్తూ ఉంది అనగా, అది ప్రారంభ దశలో విపరీతమైన ద్రవ్యరాశి, ఉష్ణాన్ని  కలిగి వుండేదని తేటతెల్లమౌతుంది.

ఇపుడు భౌతికశాస్త్రంలో నోబెల్ పురస్కార గ్రహీత హాన్నెస్ ఆల్ఫ్ వెన్, ఈ మహావిస్ఫోట సిద్ధాంతాన్ని, "సృష్టి గురించి చెప్పడానికి 'శాస్త్రీయ కాల్పనికం'"గా అభివర్ణించినాడు. "విశ్వపు అనంత స్థితి, అనంత కాలంగా వున్నదని నిరూపించడానికి  తగిన 'హేతువులు లేవు' అని చాటీనాడు. విశ్వ సృష్టి, నాలుగువేల లేక 20 బిలియన్ల సంవత్సరాల వయస్సు కలిగివున్నదని నిర్ధారించడానికి సరైన ఆధారాలు లేవు అని ఈ సిద్ధాంతాన్ని తోసిపుచ్చినాడు.

ఆధునిక శాస్త్రజ్ఞులలో  ఇప్పటికీ ఇంత వైరుధ్యము ఉన్నా నాడే సృష్టి రహాస్యమును సవిస్తరముగా, సందేహము లేకుండా సంశ రహితముగా మన ముందు ఉంచినది నాసదీయ సూక్తము. నాసదీయ సూక్తము ఋగ్వేదము  యొక్క 10వ మండలము లోని 129వ సూక్తము . ఇక అసలు విషయము చదవండి.

అసత్ అంటే అవాస్తవమైనది, అసంబద్దమైనది, ఆస్తిత్వము లేనిది, వాస్తవదూరమైనది అన్నఅర్థమున వాడబడుతుంది.

సత్ , అంటే ",ఆస్తిత్వము కల్గినది " లేదా "ఉనికి కల్గి యుండునది, వాస్తవమైనది",లేదా "సంపూర్ణమైనది " అని అర్థము. , ఇది కలిగినది ఇక్కడ "వాస్తవికత". అస్థితత్వము అనే పదానికి మొత్తం ఉనికి అని అర్థం. దేవుడు, వాస్తవికత, ఉనికి, పర బ్రహ్మం మరియు సంపూర్ణం, అన్నీ ఒకే పరమాత్మను సూచించే పర్యాయపదాలు.

ఇక నాసదీయ సూక్తము లోని మొదటి శ్లోకమునకు వద్దాము:

నాస॑దాసీ॒న్నో సదా॑సీత్త॒దానీ॒మ్ నాసీ॒ద్రజో॒ నో వ్యో॑మా ప॒రో యత్ ।

కిమావ॑రీవ॒: కుహ॒ కస్య॒ శర్మ॒న్నంభ॒: కిమా॑సీ॒ద్గహ॑నం గభీ॒రమ్ ॥ 1 ॥

 టీక: న అసత్ ఆసీత్ = అసత్తు లేదు; న ఇతి ఆసీత్ సత్ = లేదు సత్తు; తదానీమ్ = ఆ వేళలో, అప్పుడు; న ఆసీత్ = లేదు; రజః = రజస్సు; నో ఇతి = లేదు; వ్యోమ = వ్యోమము అనగా ఆకాశము; పరః = పరము; యత్ = ఏదైతే; కిమ్ = ఏది; అవరీవః = ఆవరించినది; కుహ = ఎక్కడ; కస్య = ఎవరి; శర్మన్ = రక్షణలో; అమ్భః = అంభువు; కిమ్ = ఎందుకు; ఆసీత్ = ఉన్నది; గహనమ్, గభీరమ్ = గహన, గంభీరంగా.

పైన, మనము సత్తు అసత్తులను గూర్చి తెలుసుకొన్నాము. మనము దేనిని గూర్చి మాట్లాడుచున్నామో అది ఒక ఊహకు అందని స్థితి. అప్పుడు సత్తు లేదు, అసత్తు కూడా లేదు.  రజస్సు లేదపుడు. ఇక రజము లేక రజస్సు అన్న మాటకు ధూళి, పరాగము అన్న అర్థము తీసుకొన వచ్చును. ధూళి ఉంటే భూమి అని అర్థము. ధూళి లేదంటే భూమి లేదనే కదా అర్థము. ఈ వాక్యము పూర్తి విశ్వమునకు ఆపాదించవచ్చును. ఇక పరాగఅన్న అర్థమును తీసుకొంటే అది సంపర్కమునకు హేతువు అనగా జనన హేతువు. కావున  అప్పుడు భూమి లేదు పుట్టుక లేదు. ఇక వ్యోమము లేదని చెప్పుట జరిగినది.

వ్యోమమునకు ఆకాశము, స్వర్గము అను రెండు అర్థములున్నవి. రెంటినీ తీసుకొంటే అప్పుడు ఆకాశమూ లేదు, స్వర్గము లేదు అంటే దేవతలూ లేరు.

ఏదో ఆవరించి యుండినది అది ఏది ఎక్కడిది ఎవరి రక్షణ లో ఉండినది అన్నది ఒక గహనమైన గంభీరమైన ప్రశ్న. ఈ ఆవరించిన దానినే మాయ అంటారు. ఇది పరమాత్మను విడిచి ఉండదు.

ఈ ధూళి యే లేదు తత్సంబంధమైన ె పదార్థమూ లేదు అన్న మాటకు science పరంగా అర్థము చెప్పుకోవలసి వస్తే

Space=0 Mass=0 అని అనవాలసి వస్తుంది. అంటే ఇది ఒక నిర్వికల్ప నిశ్చల స్థితి.

2. న మృ॒త్యురా॑సీద॒మృత॒మ్ న తర్హి॒ న రాత్ర్యా॒ అహ్న॑ ఆసీత్ప్రకే॒తః ।

ఆనీ॑దవా॒తం స్వ॒ధయా॒ తదేక॒మ్ తస్మా॑ద్ధా॒న్యన్న ప॒రః కిం చ॒నాస॑ ॥ 2 ॥

టీక: న మృత్యుః ఆసీత్ = (అప్పుడు)  మృత్యువును కలిగియుండలేదు అంటే మృత్యువు లేదు.;  తర్హి = కావున; అమృతమ్ న = మృత్యువు  లేదు; అప్పుడు న రాత్ర్యాః = అంటే రాత్రి  అక్కడ లేదు; న అహ్నః ఆసీత్ = పగలు కలిగి లేదు, అనగా కాల చలనమే లేదు; ప్రకేతః = (అన్నటువంటి)అవగాహన; ఆనీత్ = కలిగియున్నది ; అవాతమ్  = గాలి లేదు ; స్వధయా = తనంతట; తత్ = తాను; ఏకమ్ = ఒక్కటి(తప్ప); తస్మాత్ = అందుకు; అన్యత్ =వేరు ; న పరః  = ఎవ్వరూ లేరు.

భావము: అప్పుడు మృత్యువు అనగా మరణము లేదు,అమరత్వమూ లేదు.   రాత్రి మరియు పగలు యొక్కవెలుతురూ  అక్కడ లేదు.అంటే అక్కడ కాలచలనమే లేదు.  అక్కడ ఒక అవ్యక్తమైన వ్యక్తి  గాలి అవసరము లేకుండా ఉండుటయే గాక స్వయంసిద్దుడై నిలకడగా ఉన్నాడు. అక్కడ అవ్యక్తమగు ఆ వ్యక్తి తప్ప ఎవ్వరూ  లేరు, ఏమియూ లేదు.

పై రెండు శ్లోకముల ద్వారా మనకు తెలియవచ్చిన ఒక వాస్తవము ఏమిటంటే

Time=0 ; Space=0; దీనినే Science పరిభాషలో Singularity అంటారు. Big Bang కు ముందు అనగా మహా విస్ఫోటనమునకు ముందు ఈ Singularity ఉన్నదనియే Science చెప్పుచున్నది. ఈ విషయమై శివ పురాణము ఈ విధముగా చెప్పుచున్నది.

 నాదాధారమిదం సర్వం బిందుం బింద్వాధారమిదం జగత్ l

జగదాదహర్  భూతౌహి బిందునాదౌ  వ్యవస్థతౌ ll

శివపురాణం (1-16-88)

ఇదే మాటే కదా నాశదీయ సూక్తము లోని పై రెండు శ్లోకములు  చెప్పుచున్నది.

తమ॑ ఆసీ॒త్తమ॑సా గూ॒ళ్హమగ్రే॑ఽప్రకే॒తం స॑లి॒లం సర్వ॑మా ఇ॒దమ్ ।

తు॒చ్ఛ్యేనా॒భ్వపి॑హిత॒మ్ యదాసీ॒త్తప॑స॒స్తన్మ॑హి॒నాజా॑య॒తైక॑మ్ ॥ ౩ ॥టీక: తమః = తమస్సు, గాఢాంధకారము  ; ఆసీత్ = ఉన్నది; తమసా = తమస్సులో; గూళ్హమ్ = గూఢంగా; అగ్రే = తొల్లి; అప్రకేతమ్ = తెలియలేనట్టి; సలిలమ్ = జలము; సర్వమ్ = అంతా; ఆః ఇదమ్ = అక్కడ ఉండెను; తుచ్ఛ్యేన = శూన్యముతో; ఆభు = ఉండిన; అపిహితమ్ = కప్పబడిన; యత్ ఆసీత్ = ఏది ఉండెనో; తపసః = తపస్సుచే; తత్ = అది; మహినా = మహిమచే; అజాయత = ఉద్భవించింది; ఏకమ్ = ఒకటి

చీకటిలో చీకటి ఇమిడి, శూన్యము తప్ప అన్యము  కనరాక పెనుచీకటియై  కళ్ళు  పొడుచుకొన్నా కనరాని స్థితిలో 

సలిలము సర్వేసర్వత్రా నిండిపోయినది. శూన్యము తప్ప అన్యము కానరాని ఆస్థితిలో అంటే శూన్యము సంపూర్ణముగా ఆవరించిన ఆ స్థితిలో, ఎవరి తపము వల్లనో అన్న మాట అన్వయించదు ఎందుకంటే అక్కదఉన్నది పరమాత్మ మాత్రమే! (ఇంతవరకూ పేరునివ్వని ఆ శక్తిని పరమాత్మ అని పిలుచుకొందాము. ఆయన కలిగి యున్నది mఆయాయే! ఆయన దానిని విడువడు.

ఆయన తన తపము నుండి ఎంత తాపమును విడుదల  చేసినాడో మనకు అంతుపట్టదు కానీ చరాచర సృష్టి ఆవిర్భవించినది.  

కామ॒స్తదగ్రే॒ సమ॑వర్త॒తాధి॒ మన॑సో॒ రేత॑: ప్రథ॒మం యదాసీ॑త్ ।

స॒తో బన్ధు॒మస॑తి॒ నిర॑విన్దన్ హృ॒ది ప్ర॒తీష్యా॑ క॒వయో॑ మనీ॒షా ॥ 4 ॥

పదచ్ఛేదం: కామః । తత్ । అగ్రే । సమ్ । అవర్తత । అధి । మనసః । రేతః । ప్రథమమ్ । యత్ । ఆసీత్ । సతః । బన్ధుమ్ । అసతి । నిః । అవిన్దన్ । హృది । ప్రతీష్యా । కవయః । మనీషా ॥4ll

 టీక: కామః = కోరిక; తత్ = అప్పుడు; అగ్రే = తొల్లి; సమవర్తత = వచ్చి చేరెను ; అధి మనసః = అక్కడికి   మనస్సు; రేతః ప్రథమమ్ = ప్రథమ రేతస్సు; యత్ ఆసీత్ = అప్పుడు కలిగి ఉండెను; సతః బన్ధుమ్ అసతి = సత్తు అసత్తుల బంధమును; నిః అవిన్దన్ = తెలుసుకొన్నారు; హృది = హృదయంలో; ప్రతీష్యా = వెతకి, తరచి; కవయః = కవులు; మనీషా = బుద్ధిచే.

 Due to the karmic impulse Maya created intelligent beings

First desire arose. As the primordial desire here is the drive or initial impulse for the minds to make the universe bevome manifest. That impulse is the result of Karmas accumulated by those who lived in prior cycles of creation, just like a person’s birth and death is due to his or her individual karma   so too the due to the mic im[ulse maya created due for the minds to his or her  karma so too, the entire universe undergoes periods of manifestation for the mind So, first desire arose the initial impulse for the minds of all  as the premordial seed for the minds of all. Due to the karmic impulse Maylationship a created intelligent beings, so they could receive the results of actions committed in their prior lives.

To discover the link, to understand the relationship between the unfanifest and manifest. To discover the link, to understand the relationship between the unmanifest and the manifest   worlds to comprehend how the combined karma of all living beings drives the unmanifest universe to become manifest once again, the sages the enlightened Rishis and yogis who could discover truths, no one else could discover, searched wisely within their hearts, directing their attention , away from the world, towards the divinity that abides within.

కర్మ ప్రేరణ కారణంగా మాయ తెలివైన జీవులను సృష్టించింది. ఆ మహాశక్తికి  అది  ప్రారంభ ప్రేరణ. ఆ ప్రేరణ అనేది సృష్టి యొక్క పూర్వ జనన మరణ  ఆవృత్తములలో జీవించిన వారి కర్మల ఫలితమే! ఒక వ్యక్తి యొక్క పుట్టుకకు సంబంధించిన ఆవృత్తములలో  ఆ ప్రాణి వ్యక్తిగత కర్మల వల్ల చావుపుట్టుకలు పునరావృతము అవుతూ ఉంటాయి. ఈ పునరావృతికి ఆలంబనగా మొదటి కోరిక అందరి మనస్సులకు ప్రారంభ ప్రేరణగా ఉద్భవించింది. అదియే బీజము. అనుబంధ సంబంధముల యొక్క  కర్మ ప్రేరణ కారణంగా తెలివైన జీవులు సృష్టించబడినారు, అదియే బీజం. దాని ఫలితముగానే  వారు తమ పూర్వ జీవితములో చేసిన చర్యలఫలితములను పొందగలిగినారు.

ఈ బంధమును కనుగొనడానికి, మాయకు  మరియు మానిఫెస్ట్ మధ్య సంబంధాన్ని అర్థం చేసుకోవడానికి. సంబంధాన్ని కనుగొనడానికి, అవ్యక్తమైన మరియు ప్రకటిత  ప్రపంచాల మధ్య సంబంధాన్ని అర్థం చేసుకోవడానికి, అన్ని జీవుల యొక్క సమ్మేళనం అవ్యక్తమైన విశ్వాన్ని మరోసారి వ్యక్తమయ్యేలా ఎలా నడిపిస్తుంది అన్నది  అంతర్లీనమగు అర్థం.  ఈ విషయమును అర్థము చేసుకోవడానికి, జ్ఞానులైన ఋషులు మరియు సృష్టి సత్యజ్ఞాత లగు యోగులు, మాత్రమే కనుగొనగలరు.  వారి దృష్టిని ప్రపంచం నుండి దూరంగా, లోపల ఉండే దైవత్వం వైపు మళ్ళించి ఇటువంటి రహాస్యములను తెలుసుకొనగలరు.

తి॒ర॒శ్చీనో॒ విత॑తో ర॒శ్మిరే॑షామ॒ధః స్వి॑దా॒సీ౩దు॒పరి॑ స్విదాసీత్l
రే॒తో॒ధా ఆ॑సన్మహి॒మాన॑ ఆసన్త్స్వ॒ధా అ॒వస్తా॒త్ప్రయ॑తిః ప॒రస్తా॑త్ ॥ 5 ॥

టీక: తిరశ్చీనః = అడ్డునిలువుగా; వితతః = ప్రసరించు; రశ్మిః = రశ్మి, వెలుగు; ఏషామ్ = ఇక్కడది; అధః స్విత్ ఆసీత్ = క్రింద ఉన్నది; ఉపరి స్విత్ ఆసీత్ = పైన ఉన్నది; రేతఃధాః = రేతస్సు ఇచ్చువారలు; ఆసన్ = ఉన్నారు; మహిమానః ఆసన్ = మహిమాన్వితులు ఉన్నారు; స్వధా = స్వధ స్వధా, ప్రయతి అన్నపదాలకు భిన్న, భిన్న విశ్లేషణలు ఉన్నాయి. సాయణాచార్యుల వారు  వాటిని భోజ్యః, భోక్తారః అని తెలుపుట జరిగినది. కొందరు  స్వధా అంటే ప్రకృతి అని, ప్రయతి అంటే పురుషుడు అని వివరించుట కూడా కద్దు; అవస్తాత్ = క్రిందగా; ప్రయతిః = పైన తెలుపబడినది; పరస్తాత్ = పైగా ఉండగా.

మాయ యొక్క శక్తి కారణంగా ఉద్భవించిన అంతరిక్షము, గాలి, అగ్ని, నీరు మరియు భూమి యొక్క మూలకాలన్నీ, బయటికి ప్రసరించే కాంతి కిరణాల వలె, ప్రతి మూలకు త్వర త్వరగా వ్యాపించెందినాయి. ఈ వివరణకు మన ఆధునిక భావనయగు Big Bang   ఆశ్చర్యకరంగా సమానంగా ఉంది. ఈ విశ్వ సృష్టిని క్రింది భాగము, పై భాగము గా విభజించుకొంటే మనకు ఒక ప్రశ్న ఉత్పన్నమౌతుంది. క్రింద ఏమి ఉండవచ్చు?  విశ్వము  యొక్క దిగువ భాగాలకు ఏది వ్యాపించింది. పైన ఏమి ఉంది?, విశ్వము  యొక్క పైభాగపు  ప్రాంతాలలో ఏమి ఉన్నది? 'ASIT'(ఆసిత్) అనే పదము యొక్క రెండు సంభవాలలోనూ, ఇక్కడ ఉదాత్త స్వరాల యొక్క నాటకీయ వినియోగాన్ని గమనింప జేస్తున్నాయి. ఈ విపులమైన అక్షరాలు వైదిక సంస్కృతానికి ప్రత్యేకమైనవి.

చర్య మరియు అనుభవం మరియు భౌతిక అంశాలకు సంబంధించి  సామర్థ్యం ఉన్న జీవులు ఉన్నతమైన స్వభావాలు కలిగి ఉంటున్నాయి, ఆహారం వంటి వస్తువులు జడమైనవిగా తక్కువ స్వభావాలను కలిగి ఉన్నాయి మరియు వాటిని సేవించిన జీవులు చైతన్యవంతమైన జీవులుగా ఉన్నత స్వభావాలు కలిగి ఉన్నారు.

 

6. కో అ॒ద్ధా వే॑ద॒ క ఇ॒హ ప్ర వో॑చ॒త్కుత॒ ఆజా॑తా॒ కుత॑  ఇ॒యం విసృ॑ష్టిః ।
అ॒ర్వాగ్దే॒వా అ॒స్య వి॒సర్జ॑నే॒నాథా॒ కో వే॑ద॒ యత॑ ఆబ॒భూవ॑ ॥

టీక: కః = ఎవరు; అద్ధా = నిజముగా, పూర్తిగా; వేద = తెలియును(తెలిసిన వారో); కః = ఎవరు; ఇహ = ఇక్కడ (ఈ ఘటనల గూర్చి); ప్ర+వోచత్ = చెప్పగలరు; కుతః = ఎట్లాె విధముగా; ఆజాతా = పుట్టింది;

 నిజంగా ఎవరికి తెలుసు ఈ విశ్వము యొక్క పుట్టుక? అసలు ఈ చరాచర జీవ నిర్జీవ  ప్రపంచము  ఎలా సృష్టించబడిందో ఎవరికి తెలుసు?

ఈ ప్రపంచం దేని నుండి మరియు ఎవరి ద్వారా సృష్టించబడింది? ప్రపంచము  యొక్క తెలివైన సృష్టికర్త ఎవరు మరియు ప్రపంచము  ఏ పదార్థము  నుండి సృష్టించబడినది?

ఇంద్రుడు, అగ్ని మరియు విష్ణువు వంటి దేవతలు కూడా, ఈ జగత్ సృష్టి  తరువాత వచ్చిన వారలే! అందువల్ల అది ఎవరి నుండి వచ్చిందో లేదా ఏమి చేస్తుందో వారు ఆ క్షణము  గమనించలేకపోయినారు.  ఏ మానవునికి మరియు దేవతకు కూడా ప్రత్యక్ష జ్ఞానం ఉండక పోయినందువల్ల వారు ఈ విషయమును కనుగొనలేక పోయినారు .

7. ఇ॒యం విసృ॑ష్టి॒ర్యత॑ ఆబ॒భూవ॒ యది॑ వా ద॒ధే యది॑ వా॒ న ।యో అ॒స్యాధ్య॑క్షః పర॒మే వ్యో॑మ॒న్త్సో అ॒ఙ్గ వే॑ద॒ యది॑ వా॒ న వేద॑ ॥ 7 ॥

టీక: ఇయమ్ = ఈ; విసృష్టిః = సృజించుట ; యతః = దేనినుండి; ఆబభూవ = ఉద్భవించెను; యది = ఒకవేళ; వా = కానీ; దధే = ధరించి నిలుపునదో; యది వా = కానీ; న యః = నిలుపనిదో; అస్య = అక్కడ; అధిఅక్షః = అధిపతియై వీక్షించేవాడు; పరమే వ్యోమన్ = ఉన్నత ఆకాశంలో; సః = తాను; అఙ్గ = పూర్తిగా; వేద = తెలుయునో; యది వా = లేదా; న వేద = తెలియదో.

7. ఈ సృష్టి ఎవరి నుండి ఉద్భవించినదో , మాయతో సంబంధం లేని బ్రహ్మాండాంత సంవర్ధి యైనవాడగు  ఈశ్వరుడు సృష్టికర్త, పోషకుడు మరియు లయకారకుడు   అని పిలుస్తారు, అసలు అతనే  దాని సృష్టికర్తా  కాదా అన్నది  అతనికి తెలుసునా! మరి అతను కాకపోతే ఇంకెవరు తెలుసుకోగలరు? సృష్టి సమయంలో ఎవరూ లేరు

ప్రపంచానికి అధిపతి, ఎవరు, సాయనులవారియొక్క వివరణకు అనుగుణంగా, సర్వవ్యాప్తుడు  మరియు సకల జ్ఞానవేత్తయైన  అతనీకే  తెలుసు. అయితే ఆయనకు తెలుసునన్న ఈ విషయము ఎవరికీ తెలియదు. అదృష్టవశాత్తు  సృష్టికి సంబంధించిన ఈ జ్ఞానాన్ని ప్రాచీన ఋషులు తమ యోగశక్తితో కనుగొన్నారు, ఇతరులు చూడలేని వాటిని చూడడానికి, ఇతరులు అర్థం చేసుకోలేని వాటిని గ్రహించడానికి వారికి గల అసాధారణమైన అనన్య సామాన్యమైన  సామర్థ్యాన్ని వినియోగించి ఆ జ్ఞానమును మనకు అందజేసినారు. ఆ ఋషులు ఈరోజు మనము  చదువుచున్న వాఙ్మయ  గ్రంథాలలో తమ ఆవిష్కరణలను నిక్షిప్తము చేసి ఉంచినారు.

ఒక్కొక్కసారి అసలు ఆజగదీశ్వరునికి కూడా ఈ విషయము తెలుసునో  లేదో అన్న సందేహము మనలో పొడసూపుతుంది.

మన పూర్వులది ఇంతటి బృహత్తరమైన విజ్ఞానము. ఇంతటి జ్ఞానమును ద్రష్టలైన మన మునులు, ఋషులు మాత్రమే సాధించగలరు. ఇది అన్యులకు అసాధ్యమేగాక అసా ధర్మ ఏవ హతోహంతి, ధర్మో రక్షతి రక్షితఃl

తస్మాత్‌ ధర్మో న హంతవ్యో, మానో ధర్మోహతోవధీత్‌ll 

ఇది  మనుస్మృతిలోని వచనం. దీని అర్థం, ధర్మాన్నివధిస్తే అది తిరిగి మనలను  బాధిస్తుంది.

ధర్మం అంటే సరైన జీవన విధానం, సరైన మార్గం. ధర్మం అనే పదం సంస్కృత మూల పదం "ధ్రి" నుండి వచ్చింది. దీని అర్థం "పట్టుకోవడం," "నిర్వహించడం" లేదా "సంరక్షించడం". ధర్మం అనేది సమాజాన్ని నిర్వహించే శక్తి. ధర్మాన్ని అనుసరించడం వల్ల కలిగే ప్రయోజనాలు:

సానుకూల ఆలోచన, మంచి క్రమశిక్షణ, నైతిక విలువల అభివృద్ధి, మానసిక స్థిరత్వం, దృక్పథం మెరుగుపడటం, మానవతావాదం పెరుగుట.

ఇట్టి ధర్మాన్ని పాటించుతూ మానాలు ఆదర్శమూర్తులయినా ఆ ఋషుల అడుగుజాదలలో నడుద్దాం.

స్వస్తి.