వేదవాక్కు

 వేదవాక్కు

https://ajaraamarasukthi.blogspot.com/2024/12/blog-post_26.html
'నమస్తే' అన్న పదమును ఆంగ్లములోనికి అనువదించవలసి వస్తే I am at your service అని చెప్పుకొనవచ్చును. ఇది యథాతతమైన అర్థము కాదు. అసలుగా నమస్కరించిన వ్యక్తి ఏమి చెబుతున్నాడంటే 'నాదేమీ లేదు అంతా మీదే'. ఎంత గొప్ప భావమో చూడండి. ఎదుటివానికి మన చేయి కలుపుటచే మనకు INFECTION రావచ్చునేమోగానీ మన రెండు చేతులూ మనము కలుపుకోనుటచే మనకు వాటిల్లబోయే ముప్పులేదు. పై పెచ్చు రెండు చేతులూ జోడించి నమస్కరించుతున్నామంటే అది ఎదుటివానికి మాత్రమే కాదు మనలోని దేవునికి కూడా!
అదేవిధముగా నిద్దురలేచినప్పటినుండి పడుకొనే పర్యంతమూ Good Morning, Good Afternoon, Good Evening, Good Night, Sweet Dreams అన్న ఈ వెల్లువ పొంగి పొరలుచుండ వలసినదేనా! ఒక్క మాట పరమాత్ముని కోరితే అది మనము Good Morning, Good Afternoon, Good Evening, Good Night, Sweet Dreams చెప్పని వారికి కూడా అన్వయము ఔతుంది కదా! మనము Sweet Dreams చెప్పిన వానికి భయంకరమైన కల రాదా! రావచ్చు అనుకొంటే చెప్పుట ఎందుకు. మనసును ఆవహించిన మబ్బు వీడాలంటే ఒక్కసారి మన ధర్మము వైపు చూద్దాము.
స్వస్తి.